Нурмат Отабеков коронавирусга қарши курашишга талабалар ҳам жалб этилганини маълум қилди. Санитария - эпидемиология назорати Давлат инспекцияси раҳбари Нурмат Отабеков бу ҳақда бугун бўлиб ўтган брифингда хабар қилди.
Брифингда фуқаролар томонидан "Тиббиёт олийгоҳлари талабалари ҳам Covid-19 га қараш кураш учун сафарбар этиладими ва бу учун уларга қанақа имтиёзлар берилади?" деган мазмунда савол келиб тушди.
"Бугунги кунда коронавирус инфекцияси билан касалланган беморларга тўлиқ ва сифатли тиббий ёрдам кўрсатиш учун тиббиёт институтлари ва коллеж талабалари ҳам жалб этилмоқда.
Уларнинг 2 ҳафталик ойлик маоши уларнинг тоифасига қараб 5 млндан 15 млнгача ташкил этади", дея жавоб берди Отабеков.
Аввалроқ Президент Шавкат Мирзиёев ушбу ишга тиббиёт коллежлари битирувчиларин ҳам жалб этиш кераклигини айтган эди.
