Маълум бўлишича, туманда ВМнинг қарорига кўра қишлоқ хўжалигига ихтисослашган “Мўйноқ келажаги бунёдкорлари” МЧЖ ташкил этилиб, у ерда минг нафарга яқин ёшларнинг бандлиги таъминланган. Ушбу жамиятга 20 минг гектар ер ажрати берилган. У ерда ёшларнинг бандлигини таъминлаш бўйича Президент Халқ қабулхонаси ҳамда Фавқулодда вазиятлар вазирлиги бириктириб берилган.
Хабар қилинишича, туманда ёшлар томонидан жами 8 минг гектарга яқин ер ўзлаштирилиб турли кўчатлар экилган. Хусусан, 1160 гектарига – беда, 1201 гектарига – маккажўхори, 129 гектарига – кунгабоқар, 104 гектарига – қовун-тарвуз, 283 гектарига – кунжут, 1295 гектарига – шоли, 123 гектарига – жўхори ва 16 гектарига – мош экилиб, бугунги кунда айрим экинларни йиғиб олиш ва айримларига парвариш ишлари олиб борилмоқда.
Масалан, бедадан 900 гектари ўриб олинган бўлса, улардан чорвачилик хўжаликлари учун жами 410 тонна силос ва 11,350 дона пресслар жамланди. Ҳозирда қолган экинларнинг 14 гектарида дорилаш ишлари олиб борилмоқда. Экилган маҳсулотларнинг аксарияти ҳосил беришга етишиб қолган.
Ушбу ишларга 46 та техника жалб қилинган.
