Тиббиёт ходимларига 9 млрд сўмдан кўпроқ пуллар тўлаб берилмагани маълум бўлди. Бу ҳақда Адлия вазирлиги хабар қилди.
Маълум бўлишича, вазирлик томонидан пандемия даврида тиббиёт ходимларига тўланиши керак бўлган кунлик тўловлар ва мукофот пуллари бўйича қарздорлик мониторинги ўтказилган. Унга кўра, бугунги кунда тиббиёт ходимларига умумий ҳисобда 9 млрд 9 млн сўм пуллари тўлаб берилмагани аниқланган.
Хусусуан, Қашқадарёда 1 315 нафар тиббиёт ходимларига 6,8 млрд сўм қўшимча ҳақлари ва тўловлар тўланмаган. Вазирлик аралашгандан сўнг ушбу ҳудудда тиббиёт ходимларига 5,3 млрд сўм тўлаб берилган. Самарқандда 694 нафар тиббиёт ходимларига 838,7 млн сўм тўланмаган. Уларга кейинчалик 426,5 млн сўм ундириб берилган. Бухорода 317 нафар тиббиёт ходимларига умумий ҳисобда 353,5 млн сўм тўланиши керак бўлган, лекин ушбу ваъда бажарилмаган. Сирдарёда эса 741,2 млн сўм тўланмаган. Лекин кейинчалик ушбу миқдоринг 633 млн сўми тўлаб берилган. Фарғонада 211 нафар тиббиёт ходимларига тўланиш керак бўлган 163 млн сўмнинг барчаси ундирилган. Жиззахда 27 нафар тиббиёт ходимига ваъда қилинган 36 млн сўм тўланган. Тошкент вилоятида ҳам айтилган 23 млн сўм пуллар тўланган. Қорақалпоғистонда эса ўша айтилган 7,1 млн сўмнинг барчаси тўлаб берилган.
Юқоридаги ҳолатлар бўйича тегишли ҳуқуқий чоралар кўрилган.
