Ўзбекистонда карантин чекловлари узайтирилди. Бу бўйича Республика махсус комиссиясининг қарори қабул қилинди.
Аввалроқ ўрнатилган карантин қоидалари ўзининг ижобий натижасини берди. Сўнгги кунларда касаллик коронавирусга чалинганлар билан мулоқотда бўлиб карантинга олинганлар орасида аниқланмоқда.
Ушбу асосга кўра карантин қоидаларини 15 августга қадар узайтириш бўйича қарор қабул қилинди. Аввал ўрнатилган барча чекловлар ушбу санагача сақлаб қолинади. Хусусан:
1. Одамлар кўп тўпланадиган тадбирлар ўтказиш тақиқланди.
2. Фуқаролар ижтимоий масофа сақлашлари ва 3 кишидан ортиқ тўпланмасликлари билдирилди.
3. Барча тиббий ниқобларни тақишлари шарт ва индивидуаль ҳимояга риоя қилишлари керак.
4. 65 ёшдан юқори ёшдагилар ўзларини яккалаши ва уйда қолишлари тавсия этилди.
5. Умумий овқатланиш жойлари, болалар боғчаси, буюм бозорлари, гўзаллик салонлари ва аввалроқ фаолияти тўхтатилган бошқа объектларнинг фаолият юритишига йўл қўйилмайди.
6. Шунингдек, вилоятлараро транспортда ҳаракатланиш ҳам тақиқланади. Фақатгина Тошкент шаҳридан Тошкент вилоятига ва ортга қайтишга рухсат берилади.
7. 31 июль, 1,2,8,9 август кунлари транспорт ҳаракати бутунлай тўхтатилади (шу қаторда таксилар ҳам). Ушбу кунларда махсус стикери борлар ва комиссия қарорига кўра ҳаракатланишга рухсат берилган транспорт эгаларигина автомашинада ҳаракатланишлари мумкин.
Бундан ташқари, тез тиббий ёрдамга муҳтожлар ёки шифокорга бориши керак бўлганларга ҳаракатланишга рухсат берилади.
Фуқароларга шунингдек, Қурбон хайитини оила даврасида нишонлаш тавсия этилди. Байрамни нишонлашда барча карантин қоидаларига риоя қилиш кераклиги айтилди.
