Монополияга қарши курашиш қўмитаси “Uzauto Motors”га нисбатан иш қўзғатилганини маълум қилди. Бу ҳақда қўмита матбуот хизмати хабар қилди.
Маълум бўлишича, қўмита томонидан фуқаролар ва ижтимоий тармоқлардаги кўплаб мурожаатлардан сўнг “UZAUTOMOTORS” АЖда Ўзбекистон Республикаси “Рақобат тўғрисида”ги қонуни ва соҳани тартибга солувчи қонунчилик ҳужжатлар талабларига риоя этилиши, шу жумладан, ишлаб чиқарилаётган енгил автомобиллар таннархи шаклланиши ва нарх қўлланилиши асослилиги юзасидан ваколат доирасида текшириш ўтказилган.
Унинг натижасига кўра “Uzauto Motors” томонидан “Рақобат тўғрисида” Қонунининг тегишли моддаси талаблари бузилиши аломатлари аниқланган ва жамиятга нисбатан иш қўзғатилган.
Шулардан келиб чиқиб, қўзғатилган иш якунлари бўйича қўмита томонидан маълумот берилиши таъкидланди.
