Бош вазир ўринбосари Азиз Абдуҳакимовнинг айтишича коронавирус билан зарарланиш бўйича ҳолат барқарорлашмоқда. Янги касалланганларнинг кўпайиши таҳлилидан ушбу хулосага келингани айтилди. Унинг таъкидлашича, касаллик аксарият ҳолларда енгил ёки симптомсиз ҳолатларда ўтиб кетмоқда. Абдуҳакимов ҳозирги карантин қоидаларини бекор қилиш учун мамлакатда касалланганлар сонини камайтириш кераклигини айтди.
"Ҳозир барча даражадаги беморларни даволаш учун аниқ, тушинарли ва оддий даволаш протоколини тузиш керак. Бу биринчи ўринда касалликни енгил ёки ўртача ҳолатда ўтказаётган беморлар учун бўлиши керак. Одамлар жуда хушёр ҳолда маълум бир дориларни қабул қилишлари зарур. Айниқса ўрта ва оғир ҳолатдаги беморларнинг ўзини мустақил равишда даволашига асло йўл қўймаслик керак", дейди у.
Эслатиб ўтамиз, аввалроқ карантин қоидалари 15 авгусгача узайтирилган эди. Мамлакатимизда карантин қоидалари илк бор 16 март куни ўрнатилган.
