Ўзбекистонликларга 30 кишилик тўйлар ёқиб қолди. Аввалроқ яшил ҳудудларда шунча сонли меҳмон билан тўйлар ўтказишга рухсат берилган эди.
Ушбу талаб асосида тўйлар ўтказилгандан сўнг кўплаб фуқаролар тўйдан яхшигина пулларини тежаб қолаётган эди. Шундан келиб чиқиб ўзбекистонликлар пандемиядан сўнг ҳам кам сонли меҳмонлар билан тўй ўтказишни режалаштираётгани маълум бўлди.
"Менинг фикрим" порталида бу бўйича таклиф илгани сурилди. Таклиф муаллифи тўйларда меҳмонлар сонини энг кўпи 30 киши қилиб белгилашни сўради. Муаллиф пандемиядан сўнг кўплаб фуқароларда пул билан боғлиқ муаммолар бўлишини айтиб, шунинг учун ҳаммага бир хил тарзда меҳмонлар сонини белгилаб, уни қонунийлаштиришни таклиф қилди.
