Махсус комиссия қарорига кўра Қарши шаҳрида сартарошхоналар ва гўзаллик салонлари фаолиятига рухсат берилди. Бу ҳақда ҳокимлик матбуот хизмати вакиллари хабар қилди.
Таъкидланишича, шаҳар ҳокими Нормин Холбоев сартарошхоналар ва гўзаллик салонлари раҳбарлари билан учрашиб, уларга карантин қоидаларидан келиб чиқиб санитар-гигиена қоидаларига қатъий риоя қилиш, кириш ва чиқиш йўлакларини пирометрлар ҳамда антисептиклар билан таъминлаш кераклигини айтган. Ҳокимлик матбуот хизмати раҳбари Умид Жабборов шаҳарда шунингдек, ноозиқ овқат дўконлар, кийим ҳамда хўжалик моллари дўконлари фаолиятига ҳам рухсат берилганини маълум қилди.
Эслатиб ўтамиз, аввалроқ Фарғона вилоятида карантин қоидалри юмшатилган эди. Ушбу ҳудудларда эпидемиологик вазият яхшилангани учун карантин юмшатилди.
