Масъуллар Ўзбекистонда тест имтиҳонлари ўтказилиши бўйича маълумот берди. Бугун Тошкентда бўлиб ўтган матбуот анжуманида журналистлар томонидан берилган саволларга жавоб берилди.
Тест синовлари қайси стадионларда бўлади?
"Тест синовлари учун 155 стадиондан 40 га яқин стадион жалб этилиши режалаштирилган.
Стадионнинг соялик даражалари ва бошқа шароитларга эътибор қаратилган.
Соябонлар қўйилиши маласига ҳам эътибор қаратилади.
Ота-оналар учун кутиш жойлари, шифокорларга шароит яратиш каби ташкилий масалалар ҳал қилинмоқда", - деб жавоб берди Жисмоний тарбия ва спорт вазири Дилмурод Набиев.
Шунингдек, матбуот анжуманида Давлат тест маркази бошқарма бошлиғи Барно Ражабов август ойида барча бинолар ва стадионларни жиҳозлашни амалга оширилишини, сентябр ойи бошида тест синовларини ўтказиш режалаштирилаётганини маълум қилди.
"Стадионларда кузатув камералари албатта бўлади. Ҳар бир абитуриент ва кузатувчиларнинг ҳар бир ҳатти ҳаракати суратга олинади ва телевидение орқали бериб борилад", - дея қўшимча қилди у.
Шундан сўнг, ДТМ директори ўринбосари Сардор Ражабов тест синовлари 2 сентябрдан бошланиб, 14 кун давом этишини ҳам маълум қилди.
