Хабарингиз бор кеча “Маҳалла” хайрия жамоат фонди ҳузурида ташкил этилган “Саховат ва кўмак” жамғармасининг телеграмда ташкил этган сўровномаси тармоқларда кескин муҳокамаларга сабаб бўлган эди.
Маҳалла ва оилани қўллаб-қувватлаш вазирлиги вакили Саодат Боймирзаеванинг айтишича, “Маҳалла” хайрия жамоат фонди ташкилий-ҳуқуқий жиҳатдан жамоат фонди бўлган нодавлат нотижорат ташкилот ҳисобланади ва у вазирлик тизимига кирувчи ташкилотлар рўйхатига киритилмаган. Шунингдек, фонд ҳузурида ташкил этилган “Саховат ва кўмак” жамғармаси фаолиятининг ҳеч бир жараёнларига ҳам вазирлик иштирок этмаслиги таъкидланди.
Шундан келиб чиқиб, Маҳалла” хайрия жамоат фондининг телеграм саҳифасини ташкил этиш ва ўчириш тўлиқ равишда Фонднинг ўз ҳуқуқи ҳисобланиши маълум қилинди.
Эслатиб ўтамиз, телеграмдаги каналда ташкил этилган сўровнома муҳокамаларга сабаб бўлгандан кейинг канал бутунлай ўчириб ташланган.
