Бугун, 11 август санасидан бошлаб Наманган вилоятида карантин чоралари босқичма-босқич юмшатилиб борилади. Бу бўйича вилоят комиссиясининг йиғилишда баён қабул қилинган.
Унга кўра, бугундан бошлаб вилоятда оилавий тантана, тўй, маърака ва маросимларни фуқароларнинг ўз уйларида 30 кишидан кўп бўлмаган ҳолда ташкил этишга рухсат берилди. Шунингдек, туманлараро автобус ва йўналишли таксилар қатновига ҳам рухсат берилган. Бундан ташқари, куннинг белгиланган вақтида ошхона, кафе ҳамда ресторанлар мижозлар қабул қилиши мумкин бўлди. Барча турдаги бозорлар, парклар, истироҳат боғлари, давлат ва ноавлат боғчалар, сартарошхона ва гўзаллик салонлари фаолиятига ҳам рухсат берилди.
Вилоят комиссияси барча ҳолатларда карантин қоидаларига сўзсиз бўйсуниш кераклигини, акс ҳолда уларнинг фаолияти тўхтатилиши мумкинлигини билдирган.
