"2018 йилнинг 9 ойи мобайнида Ўзбекистонда ишсизлик даражаси 9 фоизни ташкил этди", – дея хабар берди Бандлик ва меҳнат муносабатлари вазири Шерзод Кудбиев Turon24’га.
Кудбиевнинг сўзларига кўра, мамлакатда ишсизлик даражаси Сурхондарё (9,6 фоиз), Самарқанд (9,5 фоиз) ва Қашқадарё (9,5 фоиз) вилоятларида юқори. Ишсизлик кўрсаткичи Тошкент шаҳрида энг паст (7,5 фоиз).
Мамлакатда ишсизлик даражаси 30 ёшгача бўлган ёшлар ўртасида 14,7 фоизга тенг.
Ҳозир норасмий секторда 7,9 млн киши ишлайди. Бу мамлакатда банд бўлганлар умумий сонининг деярли 60 фоизини ташкил этади.
