Тошкентда қачондан жамоат транспортлари фаолияти қайта тикланиши маълум қилинди. Бу бўйича маълумот Тошшаҳартранс томонидан тақдим этилди.
Маълум бўлишича, шу йил 17 августдан метрополитендан ташқари жамоат транспортлари фаолияти қайта тикланади. Унда чиптачи ва ҳайдовчилар ҳарорати ўлчанган ҳолда, қўлқоп ва ниқоб билан таъминланиб фаолият олиб бориши маълум қилинди. Шунингдек, ҳар бир йўналиш тугаши билан автобуслар дезинфекция қилиниши айтилди.
Йўловчилар ҳам автобус ичида албатта ниқобда бўлишлари кераклиги таъкидланди. Ниқобсиз йўловчилар автобус салонига қўйилмаслиги қайд этилди.
