Тошкентда 3 та автобус йўналиши ёпилди. Бу ҳақда Тошшаҳартрансхизмат хабар қилди.
Маълум бўлишича, “Яшнобод қурилиш коллежи – Тошкент тиббиёт академияси” автобус йўналиши бўйлаб ҳаракатланган 10-сонли, “Юнусобод 9-даҳаси – Оқтепа майдони” автобус йўналиши бўйлаб ҳаракатланган 111-сонли ҳамда “Ўзбекистон жамоа хўжалиги – Тошкент МУМ” автобус йўналиши бўйлаб ҳаракатланган 144-сонли автобус йўналишлари ёпилган.
Ушбу йўналишларнинг ёпилишига йўловчилар оқими кам бўлгани сабаб қилиб кўрсатилмоқда. Аввалроқ 15 августдан пойтахтда жамоат транспорти ҳаракати қайта йўлга қўйилиши хабар қилинган эди.
