«Uzbekistan Airways» 1 сентябргача барча халқаро парвозларни ва маҳаллий йўналишларнинг бир қисмини бекор қилди. Бу ҳақда компания матбуот хизмати хабар қилди.
Эпидемиологик вазиятдан келиб чиқиб ушбу қарорга келингани айтилмоқда. Олинган чипталар ваучер шаклида қайтариб берилиши ёки 1 сентябрдан кейинги парвозларга қўшимча тўловларсиз бир марталик бронлаш имконияти тақдим этилиши маълум қилинди.
Шунингдек, компани call-markaz’ига бу масала бўйича қўнғироқ қилмасликни сўраб қолган. Расмий маълумотлар компания томонидан эълон қилиниши билдирилди.
