Мамлакатимизда мактаблар очилиши кутилмоқда. Бу ҳақда блогер Исроил Тиллабоев маълум қилди.
Блогернинг маълумотига кўра 24 август куни Бош вазир мазкур мавзу бўйича видеоселектор йиғилиши ўтказган. Йиғилишда мамлкатда яшил ҳудудлар таркиби киритилган ҳудудларда мактаблар 7 сентябрдан очилиши маълум қилинган. 14 сентябрдан эса барча мактаблар очилади.
Ўқувчилар фақат битта хонада таҳсил олади. 10 сентябргача барча мактаблар керакли жиҳозлар билан таъминланади. Ҳамма мактабларда изоляция хоналари бўлади. Жиҳозларни сотиб олишга кетадиган маблағ маҳаллий ҳокимлик томонидан қопланади. Шунингдек, ўқитувчилар коронавирусга тест топширади. Ҳозирча мактабга бориш мажбурий бўладими ёки танлаш имконяити бериладими маълум эмас. Таъкидлаш жоиз, ушбу хабар ҳозирча расмий тасдиқлангани йўқ.
