Пойтахтда автомобиль ҳайдовчилари мустақиллик байрами муносабати билан байрам ташкиллаштирди. Байрамни нишонлаш жараёни акс этган видеолавҳалар тармоқларда кенг тарқалди.
Видеода ёшлар йўлни тўсиб олган ҳолда, ўтиш жойининг ўзида байрам қилишганини ва аксарият ҳайдовчиларда тиббий ниқоблар йўқлигини ҳам кўриш мумкин.
Таъкидлаш жоиз, аввалроқ ҳукумат фуқаролардан байрамни оила даврасида нишонлашни тавсия қилган эди. Эслатиб ўтамиз, кеча байрам салютлари коронавирус касаллиги аҳоли орасида тарқалиб кетмаслиги учун бекор қилинган эди. Лекин, видеода фуқаролар байрамни оммавий тарзда нишонлаганини кўриш мумкин.
