Ангренлик ишсиз хотин-қизларга бепул ўқув курслари ташкил қилинди

Ангренлик ишсиз хотин-қизларга бепул ўқув курслари ташкил қилинди
O`zLiDeP Тошкент вилояти Кенгаши “Аёллар қаноти”, Тошкент вилояти Хотин-қизлар Тадбиркорлик Маркази ҳамкорлигида темир дафтарга киритилган аёллар учун бепул ўқув курси ташкил этилди.

Пандемия даврида эҳтиёжманд оилаларни қўллаб-қувватлаш, уларга моддий ёрдамлар кўрсатиш айниқса, уйда ўтирган хотин-қизларни турли касбларга йўналтириш ва шу орқали уларнинг бандлигини таъминлаш борасида қатор амалий ишлар олиб бориляпти.

Бундан кўзланган мақсад битта, у ҳам бўлса жойларда маҳаллалар орқали ишсиз хотин-қизларни аниқлаб, уларни турли касб-ҳунарларга ўргатиш, тадбиркорликларини бошлашларига кўмаклашиш, уларнинг иш билан бандлигини таъминлаш, бу орқали босқичма-босқич темир дафтарга киритилган аёллар сонини кескин камайтириб бориш устувор вазифалардан бири саналади.

Ангренлик хотин-қизлар ўртасида ташкил этилган ўқув курсларда тикиш-бичиш йўналишида ўқув машғулотлари ўтказилиб, бунда тажрибали мутахассислар жалб этилди.

- Бугунги ўқув-курсларимизда аёлларимиз турли йўналишларда машғулотлар олиб боришяпти, бу орқали улар ўз билим ва кўникмаларини шакллантирмоқда, - дейди Халқ депутатлари Ангрен шаҳар Кенгаши депутати, Тошкент вилояти Хотин-қизлар Тадбиркорлик Маркази раҳбари Шоҳиста Мадиярова. – Биз депутатлар ўз ҳудудларимизда тегишли ташкилотлар билан ҳамкорликда кам таъминланган ва эҳтиёжманд оилаларни аниқлаб, уларни касбга ўргатишга, шу орқали иш билан бандлигини таъминлашга эътибор қаратяпмиз. Бугун Ангрен шаҳрида ҳам хотин-қизларимизга зарур бўлган ёки ўзлари танлаган касб-ҳунарни ўргатишга яқиндан кўмаклашдик. Мазкур ўқувларимиз босқичма-босқич тизимли равишда ташкил этиб борилади.

Ўқув машғулоти асносида юқори ютуқларга эришиб келаётган партия фаоллари бўлган тадбиркор аёлларимиз Шахноза Усканова, Севара Жакбарова, Хулкар Баймановалар тадбиркорлик фаолиятидаги сир-асрорлари ва таржибалари билан ўртоқлашишди ва уларга партиянинг ташаккурномалари топширилди.

Диёра Болтаева,
O`zLiDeP Тошкент вилоят Кенгаши
Аёлларнинг сиёсий фаоллиги,
жамиятдаги ўрни ва мавқеини
ошириш бўлими мудири

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Конституциявий ислоҳотлардан пировард мақсад – инсон ҳуқуқлари ва манфаатларини сўзсиз таъминлашдир

“Шўртан газ кимё мажмуаси” масъулияти чекланган жамиятида ташкил этилган йиғилишда бугуннинг энг долзарб мавзуси бўлган янги конституцион...
Кеча, 13:57

Самарқанд давлат университети илмий обсерваториясида қандай илмий тадқиқотлар олиб борилмоқда?...

Коинот, юлдузлар ҳамиша инсонларни ўзига қизиқтириб келган. Биз осмонга қараймиз ва осмондаги юлдузлар коинот бўйлаб тарқалиб кетганини...
5-07-2022, 23:54

Бадминтончилар тайёрлашнинг дастлабки босқичида нималарга эътибор бериш керак?

Бадминтон ХIХ асрнинг 70 йилларида Англияда расм бўлиб, ўйин қоидалари ишлаб чиқилгач, Европанинг бошқа мамлакатларига ҳам ёйилган. 1934...
5-07-2022, 23:50

Балиқларни сунъий шароитда қандай кўпайтириш мумкин?

Жаҳонда аҳолини озиқ-овқат билан таъминлаш муаммосини ҳал қилишда уларда қўшимча балиқчилик функциясини яратиш ички сув ресурсларидан...
5-07-2022, 14:30

Пропан-бутандан қандай фойдали элементлар олиш мумкин?

Бугунги кунда нефть ва газ муҳим кимёвий хомашё бўлиб, ҳозирги замон саноати ва энергетикасининг барча тармоқларида нефть ва газ...
5-07-2022, 06:00
Ўзбекистон янгиликлари » Жамият » Ангренлик ишсиз хотин-қизларга бепул ўқув курслари ташкил қилинди