Бугун Коронавирусга қарши кураш штаби аъзоси Рустам Икромов иштирокида брифинг бўлиб ўтди. Унда штаб аъзоси фуқаролар томонидан берилган саволларга жавоб берди.
Хусусан, Икромовдан сентябрь ойида 30 кишилик тўйларни ўтказишга чеклов бўладими ёки йўқ деган мазмундаги савол сўралди.
Мутахассиснинг маълум қилишича, махсус комиссиянинг 31 августдаги 45-сонли баёнига кўра мамлакатимизда айни кунларда 30 кишилик тўйлар ўтказилишига рухсат берилган.
“Агар карантин чоралари кучайтирилмаса шу тартиб сентябрь ойида ҳам давом этади”, – дейди Рустам Икромов.
