ИИВ Ҳуқуқбузарликлар профилактикаси бош бошқармаси бошлиғи полковник Бахтиёр Бердиалиев Ўзбекистоннинг қайси ҳудудидаги тўйларда карантин қоидалари энг кўп бузилаётганини маълум қилди. Бердиалиев бу ҳақда ОАВга берган интервьюси жараёнида маълумот берди.
Унинг айтишича, мамлакатимизда карантин юмшатилгандан бери тўйларда умумий ҳисобда 243 та ҳолатда қоида бузилиш ҳолатлари қайд этилган.
Хусусан, Фарғона вилоятидаги тўйларда (75 та ҳолат) энг кўп карантин чоралари бузилаётгани таъкидланди. Энг паст кўрсаткич эса Тошкент шаҳрида (1 та) қайд этилган. Шу билан бирга, Сирдарёда 31 та, Наманганда 30 та, Жиззах, Қашқадарё ва Сурхондарёда 20 тадан ҳолатда, Андижонда 11 та, Бухоро ва Хоразмда 7 тадан ҳолатда, Самарқандда 10 та, Қорақалпоғистонда 6 та ва Навоийда 5 та ҳолатда қоида бузилиш ҳолатлари кузатилган.
