Бугун АОКАда Коронавирусга қарши кураш штаби аъзоси Нурмат Отабеков билан брифиннг бўлиб ўтди. Унда мутахассис фуқаролар томонидан берилган саволларга жавоб берди.
Хусусан, Отабековдан мамлакатда 15 октябрь санасидан карантин чоралари яна қаттиқ кучайтирилиши мумкинми деган мазмунда савол сўралди. Мутахассис ушбу саволга жавоб беришдан аввал фуқароларга юртимизда ҳали карантин чоралари бекор қилинмаганини, балки юмшатилганини эслатиб ўтди.
“Аммо фуқароларнинг нотўғри тушунганликлари натижасида аҳоли орасида коронавирус инфекцияси қайд этилганлар сони камаймаётганлиги сир эмас
Бир нарсани унутмаслик керак “мен, сен, улар” дейилганидек, карантин тадбирлари кучайтирилиши ва юмшатилиши бизнинг ҳатти-ҳаракатларимизга боғлиқ, агар биз карантин ва чеклов тадбирларини менсинмас эканмиз, профилактик тадбирларни унутиб қўярканмиз, мутахассис шифокорларнинг тавсияларига риоя этмас эканмиз, у ҳолда касаллик кўпайиб кетишига ва Республика Махсус комиссиясини карантин чоралари кучайтириш тўғрисида қарор қабул қилишга мажбур қиламиз.”, – деди Отабеков.
Эслатиб ўтамиз, мамлакатимизда 15 августдан карантин чоралари босқичма-босқич юмшатилиб келинмоқда.
