Бугун, 17 сентябрь куни АОКАда коронавирусга қарши курашиш штаби аъзоси Барно Абдусаматова иштирокида брифинг ташкил этилди. Унда Абдусаматова фуқаролар томонидан берилган саволларга жавоб берди.
Хусусан, Абдусаматовадан куз фаслида кутилаётган коронавирус тарқалишининг иккинчи тўлқинига Ўзбекистон тайёрми деган мазмунда савол сўралди.
Абдусаматованинг маълум қилишича, ушбу жараёнга Ўзбекистон тайёр. Пандемия давридаги ҳолатлар таҳлил қилинган ва бу йўлда эришилган ютуқ ҳамда камчиликлар таҳлили қилинган.
Шунингдек, ушбу даврда шифокорларнинг маҳорати ошгани ва етарли моддий техника база билан таъминлангани таъкидланди. Барча шифохоналар ва мутахассисларнинг ушбу йўналишда тажрибалари борлиги ва улар касалликнинг авж олишига йўл қўймасликлари маълум қилинди. Шу билан бирга, беморларга малакали тиббий ёрдам кўрсатилиши ҳамда керакли дори воситалар заҳираси борлиги ҳам айтилди.
