Ўзбекистоннинг Екатеринбург шаҳридаги (Россия) Бош консулхонаси берган маълумотга кўра, Магнитагорск шаҳрида турар-жой биноси қулаши натижасида қурбон бўлгалар орасида 2019-йилнинг 1-январ куни эрталаб ҳолатида Ўзбекистон фуқаролари йўқ.
31-декабр эрталаб содир бўлган Магнитогорск фожеаси бўйича вазиятни Бош консулхона жиддий назоратга олган.
Эслатиб ўтамиз, айрим оммавий ахборот воситаларида Ўзбекистон фуқароси бино вайроналари остида 7 соат қолиб кетгани, аҳволи оғир эканлиги ҳақида хабар тарқатган эди. Бунга ё рус амалдорлари оғзидан чиқиб кетган қандайдир гап сабабмикин, бир нарса дейиш қийин. Лекин Кремлнинг расмий сайтида Тожикистон фуқароси вайроналар остида қолиб кетгани ва аҳволи оғир эканлиги айтилган, дейилади Davletovuz канали хабарида.
