Нурмат Отабеков қайси ҳолатда карантин кучайиши мумкинлиги ҳақида гапирди. Отабеков бу ҳақда брифингда гапирди.
Отабековнинг карантин чоралари фуқаролар эпидемиологик қоидаларга эътиборсизлик қилса кучайиши мумкинлигини таъкидлади. Лекин, Отабековнинг фикрича, ҳозирда карантин чораларини кучайтиришга жиддий сабаблар йўқ.
“Биз ҳаммамиз жараён фақатгина ўзимизга боғлиқ эканини тушунишимиз керак. Жорий этилган қоидалар ҳолатнинг ёмонлашувига йўл қўймайди. Ниқоб тақиш, ижтимоий масофани сақлаш, антисептиклардан фойдаланиш ва оммавий тадбирлар ташкил этмаслик керак”, – дейди Отабеков.
Коронавирусга қарши кураш штаби аъзоси сўнгги кунларда касалланганлар сонининг ошиб кетиши сабабини ҳам тушинтирди. Отабеков аксарият фуқаролар вазиятнинг жиддий эканини унутиб қўйгани ва эпидемиологик вазият ёмон бўлган ҳудудлардан ватандошларимизнинг келиши бунга сабаб бўлаётганини айтди.
