Ўзбекистонда йўл қоидаси бузилишини мобиль телефонига муҳрлаганларга ҳам пул тўланади. Ушбу қоида акс этган ҳужжат лойиҳаси муҳокамага қўйилди.
Ушбу лойиҳа ИИВ томонидан ишлаб чиқилган. Ҳужжатга кўра, эндиликда ўзбекистонликлар йўл қоидсаи бузилган ҳолатни телефонига муҳрлаб, керакли платформага жўнатса, пул мукофотлари олиши белгилаб қўйилди.
Аввалроқ йўл қоидаси бузилишини фақатгина видеорегистраторга муҳрлаш мумкин эди. Вазирлик шунингдек, пиёдалар ҳам йўл қоидаси бузилгани ҳақида хабар бериш имкониятига эга бўлишлари керак деб ҳисоблайди. Ҳужжат муҳокамаси 4 октябрга қадар давом этади.
Таъкидлаш жоиз, ҳозирда юборилган видео учун БҲМнинг 5 фоизи тўланади. Шу ўринда, видеони қоида бузилгандан сўнг 3 кун ичида юбориш керак. Платформа ишга туширилгандан бери юборилган видеолар учун фуқароларга умумий ҳисобда 1 млрд 246 млн сўм тўлаб берилган. Мукофот қоидабузарнинг жаримаси пулидан тўланади.
