Қашқадарёда бахтсиз ҳодиса сабаб бир қўлидан айрилган 23 ёшли қиз кунига 130-150 кг пахта тераётгани маълум бўлди. Бу ҳақда Миришкор туман ҳокимлиги хабар қилди.
Маълум бўлишича, чироқчилик 23 ёшли Гулчеҳра Қипчоқова бир қўлидан айрилган бўлишига қарамай кунига 130-150 кг пахта термоқда. Вилоят ҳокими Зоир Мирзаев бу ҳақда эшитгач қизни кўргани келиб, унга совға топширгани хабар қилинди.
Гулчеҳранинг айтишича, у 5 йилдан бери ушбу туманга келиб пахта теради. Шунингдек, Гулчеҳра бу йил Тошкент давлат педагогика университетининг Шаҳрисабз филиалига грант асосида ўқишга қабул қилинган.
