Ўзбекистонда 8 ойда қанча чақалоқ дунёга келгани маълум бўлди. Рақамлар Давстатқўм томонидан тақдим этилди.
Мавжуд маълумотларга кўра, сўнгги 8 ой давомида мамлакатимизда 525 280 чақалоқ туғилди. Ушбу рақамлар ўтган йилнинг айни даврига нисбатан 18 912 нафарга кўп экани айтилмоқда.
Таъкидлаш жоиз, энг кўп чақалоқ Самарқандда – 63 573 нафари дунёга келган. Фарғонада – 58 774, Қашқадарёда – 55 774 ва Андижонда 50 601 чақалоқ туғилган.
