Тошкентда норози кайфиятдаги абитуриентлар Давлат тест маркази биноси олдида йиғилди. Воқеа жойида олинган видеолавҳа тармоқларда тарқалди.
Видеода турли вилоятдан келган абитуриентлар тест маркази биноси олдида тўпланишганини кўриш мумкин. Абитуриентлар тест маркази олдига тўплангач, ўз норозиликларини билдирди.
Келганларнинг аксарияти ҳарбий тайёргарликни ўтаб, имтиёз олганлар экани айтилмоқда. Лекин, ДТМ ушбу абитуриентларнинг имтиёзларини ҳисобга олмаган. Ҳозирча ДТМ вакиллари ҳодисага изоҳ бергани йўқ.
