Андижонда 5-синф ўқувчиси мактабга “Некия-3” ҳайдаб келгани маълум бўлди. Бу ҳақда Андижон шаҳар ИИБ ЙҲХБ хабар қилди.
Маълум бўлишича, Андижон шаҳридаги 41-сонли мактаб атрофида хизмат вазифасини ўтаб турган ЙПХ ходими мактабга ёш бола автомашина бошқариб келганини кўрган. Ходим дарҳол боланинг олдига бориб ёши ва қаерда ўқишини сўраганда у 41-мактабнинг 5-синфида таҳсил олишини айтган.
Шундан сўнг ходим мактаб раҳбарияти ва автомобилнинг ҳақиқий эгаси билан тезкор суҳбат ташкиллаштирган. Автомобилнинг эгасига белгиланган тартибда чора кўрилган.
