Қашқадарё вилоятида фуқаро тўйига 250 нафар меҳмон чақирди. Бу ҳақда ОАВда хабарлар тарқалди.
Маълум бўлишича, Деҳқонобод туманида карантин чораларига зид равишда тўйлар ўтказилган. 9 нафар фуқаро ва 1 нафар ресторан эгасига МЖТКнинг тегишли моддасига кўра маъмурий баённома тузилган.
Хусусан, туманда яшовчи фуқаро 250 нафар меҳмонни тўйида кутиб олган ва карантин қоидаларини бузган. Эслатиб ўтамиз, Ўзбекистонда 15 августдан карантин чоралари юмшатилган эди. Фуқароларга 30 кишилик меҳмон билан тўй ўтказишга рухсат берилган.
