Аввалроқ Тошкентдаги жамоат транспортларида қўлқоп тақиш мажбурий эканлиги белгилаб қўйилган эди. Санитария-эпидемиологик осойишталик хизмати бошлиғининг биринчи ўринбосари Ботир Қурбонов ушбу тартиб нима сабабдан жорий қилинганини тушунтирди.
Қурбонов тиббий қўлқоплар нафақат инсоннинг ўзини, балки атрофдагиларни ҳам вирусдан сақлашини маълум қилди. Қурбонов шунингдек, вирус нафақат ҳаво орқали, балки кўзнинг шиллиқ пардаси, бурун ва оғиз орқали ҳам юқишини таъкидлади.
“Фуқаро қўлқоп тақса у юз, оғиз ва бурнига тегминмайди. Шу йўл орқали вирусдан ҳимояланиш мумкин”, – дейди мутахассис.
Шунингдек, Қурбонов жамоат транспортидан чиқиш билан дарров қўлқопларни ташлаб юбормасликни маслаҳат берди. Мутухассис уйга киргандан сўнг қўлқопни ташлаб юборишни тавсия қилди. унинг таъкидлашича, одамлар уйга келгунча ҳам эшик ушлагичлар, подъездларнинг рақамли эшиклари ва бошқа нарсаларни ҳам ушлайди.
