Ўзбекистонда 2021 йилдан айрим ОТМлар имтиҳонларни ўзлари мустақил ўтказади. Бу ҳақда олий таълим вазирлиги хабар қилди.
Маълум бўлишича, кейинги йил 1 мартга қадар 5 та ОТМ хорижий ОТМлар билан трансформация қилиш учун очиқ танлаб олинади. Ушбу ОТМлар 2021/2022 ўқув йилидан бошлаб бакалавриат ва магистратурага тўлов-контракт асосида нечта талабани қабул қилишни ўзлари мустақил белгилайди.
Шунингдек, мазкур танлаб олинган ОТМларда бакалавриатга кириш имтиҳони мустақил ўтказилади. Шу билан бирга, улар билан ҳамкорлик ўрнатилган хорижий ОТМнинг профессор-ўқитувчилари жалб қилинади.
