Аҳолининг сўзларига кўра, уларнинг маҳалласида чироқ анчадан бери йўқ. Карантинда болалар телевизорда бериб борилаётган вазифаларни чироқ йўқлиги учун қила олишмаётгани таъкидланган.
“Чироқ анчадан буён йўқ. Қишда жуда қийин бўляпти. Бизнинг ҳудудларда газ ҳам йўқ. Ҳамма фуқаролар уйларини электр иситиш печи орқали иситар эди. Энди унинг ҳам иложи йўқ. Пандемия даврида янада қийинлашиб қолди. Ҳамма шамоллаб қолишдан қўрқмоқда ва шу сабабга кўра уйда ҳам қалин курткада юришибди. Бизга электр токини беришларини сўраб қоламиз. Ҳаётимизда газ ва бошқа шароитларнинг йўқлигига эса кўникиб кетганмиз”, – дейди маҳаллада яшовчи аёллардан бири.
Аҳоли барча жойга мурожаат қилганини таъкидламоқда. Лекин ушбу урунишлар ўз натижасини бермаяпти. Масъуллар эса уларнинг муаммосини ечишни рад этиб келмоқда.
