Бугун, 17 ноябрь куни давлатимиз раҳбари мамлакатимизда коронавирусга қарши олиб борилаётган ишлар юзасидан йиғилиш ўтказди.
Йиғилишда Шавкат Мирзиёев ушбу касаллик билан курашишни давом эттириш кераклигин, бир сонияга ҳам эътиборни сусайтирмаслик кераклигини таъккидлади. Шунингдек, мана шундай шароитда ишлашга ўрганишимиз кераклиги қайд этилди.
Президент бугунги кунда мамлакатимиза ушбу касалликка чалинганларни даволаш юзасидан олиб борилаётган ишларга ҳам тўхталиб ўтди. Йиғилишда ҳозирда мамлакатимизда коронавирусга чалинганлар учун 89 та муассаса ажратилгани, у ерда беморларга 17 минг 500 ўрин борлиги таъкидланди. Бугунги кунда ушбу ўринларнинг 6 минг 570 таси бандлиги қайд этилди. Йиғилишда шунингдек, койкалар бандлиги Қорақалпоғистонда 16 фоиз, Хоразмда 10 фоиз, Қашқадарёда 11 фоиз, Наманганда 19 фоизни, республика бўйича эса 38 фоизни ташкил этаётгани маълум қилинди.
