Аввалроқ сайтимизда Андижондаги мактабларнинг бирида ўқувчилар курткасиз ҳолда кўчага чиқарилгани ва улар меҳмонларни кутиб олаётгани акс этган сурат тарқалгани ҳақида ёзган эдик.
Андижон вилоят халқ таълими бошқармаси ўша ҳолатни ишчи гуруҳ тузган ҳолда ўрганган ва воқеа юзасидан расмий муносабат билдирди. Маълум бўлишича, сурат 19 ноябрь куни Андижон шаҳридаги 43-сонли мактабда олинган. Болалар мактабга “Янги Ўзбекистон - Янгича дунёқараш” шиори остида тарғибот тадбирини ўтказиш учун келган меҳмонларни кутиб олишган. Сурат фотоалбом учун олинган бўлган. Бошқаранинг маълум қилишича, суратга айнан директорнинг маънавий-маърифий ишлар бўйича ўринбосари олган.
Ишчи гуруҳ вакиллари болаларнинг ота-оналари билан суҳбатлашган ва улар ҳолат юзасидан эътирозлари йўқлигини айтган. Якуний хулосага кўра мактаб директори вазифасини вақтинча бажарувчи Д.Насирдинов ва маънавий-маърифий ишлар бўйича директор ўринбосари С.Исмановалар вазифасидан озод этилган.
