Халқ таълими вазирлиги мамлакат мактабларига россиялик ўқитувчиларни таклиф этиш имкониятидан воз кечди. Бу ҳақда uz24.uz хабар қилди.
Россия Федерациясининг элчиси Владимир Тюрденевнинг сўзларига қараганда, вазирлик ўзининг рад жавобини Ўзбекистонда рус тилида таълим берувчи мактаблар сони кўплиги, шунинг учун уларнинг барчасини қамраб олиш қийин бўлиши, бу эса кадрларни тақсимлашда ихтилофни келтириб чиқариши билан изоҳлаган.
«Адолатли муқобил сифатида вазирлик Россияга малака ошириш курсларига, шунингдек, республика ҳудудидаги Россия марказларига тайёргарликка юборилаётган ўқитувчилар сонини оширишни таклиф қилди», — дея таъкидлади элчи.
Аввалроқ бундай тажриба Тожикистонда амалга оширилган эди, у ерга Россиянинг бир қатор шаҳарларидан педагоглар гуруҳи юборилган эди.
