Тармоқларда Каттақўрғон шаҳридаги тўйларнинг бирида чироқ ўчиб қолгани акс этган видео тарқалди. Видео телеграм каналларда эълон қилинди.
Таъкидланишича, электр токи электр тармоқлари бўлими ходимининг тўйида ўчирилган. Мавжуд маълумотларга кўра, куёвнинг дўстлари шу йўл орқали унга ҳазил қилишган.
Тармоқ фойдаланувчилари сўнгги вақтларда электр энергияси билан боғлиқ муаммо қайта-қайта содир бўлаётгани учун уларнинг ушбу ҳазилини қўллаб-қувватлади. Фойдаланувчилар электр тармоқлари бўлими ходимларининг уйидаги чироқларни ҳам ўчириб қўйиш кераклигини таъкидлаган.
