O’zLiDeP депутатлари онкологик касалликка чалиниб, даволанаётган болаларга қувонч улашди

O’zLiDeP маҳаллий Кенгашлари депутутлари Янги йил кунлари Республика ихтисослаштирилган онкология ва радиология илмий-амалий тиббиёт маркази Қашқадарё филиалида даволанаётган бемор болаларга байрамона кайфият ва завқ-шавқ улашдилар. Совға тўла қоп орқалаб олган Қорбобо ва Қорқизни кўрганида бемор болалар қалбини байромона шукуҳ эгаллаб олди. Юз-кўзида қувонч порлади.

-Янги йил болаларнинг энг севимли байрами,- дейди филиал директори Адҳам Фармонов. –бунинг ўзига хос сабаблари ҳам бор. Болалар Янги йилда Қорбобога тилакларини айтишади ва бу тилаклар амалга ошишига ишонишади. Бизнинг касалхонамизда даволанаётган 10 нафар бемор бола ҳам албатта, Қорбободан тезроқ соғайиб кетишни, улғайиб ўзи севган касб эгаси бўлишни сўрашган бўлса ажаб эмас.

Ўйин-кулги ва завқ-шавққа тўла бу байрамона тадбир ҳақида O’zLiDeP вилоят Кенгаши аппарат раҳбари, Қарши шаҳар Кенгаши депутати Арзиқул Шеров шундай деди:

-2021 йил – Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилинишининг ўзи бу каби тадбирларни тез-тез ўтказиб туришни, аҳоли ва депутатлар ўртасидаги мулоқотни кўпайтиришни тақазо этмоқда. Албатта, бундай ажойиб учрашувлар бемор болаларни касалликларни тезроқ енгишда ўзида куч топа олишида муҳим аҳамият касб этади.