Маълум бўлишича, сайтга ҳужум бугун, 6 январь куни содир бўлган. Унга ҳужум қилганлар вилоят ҳокимига мурожаат ҳам қолдирган.
“АКТ бўлимига университетни отасини пулига тугатган каттаконларни боласини эмас, соҳа бўйича ҳақиқий мутахассисларни ишга олинг. Биз бутун ҳокимият тизимига кириб бордик агар яхши мутахассисларни эътиборга олиб уларга қимматли вақтингизни ажратмасангиз, бутун интернетда сизнинг ёпиқ қарор ва фармойишларингиз шармандаларча тарқалади”, – деб ёзади сайтга ҳужум қилувчилар.
Шунингдек, матн “@clone_security_2021” томонидан ёзилгани маълум қилинган бўлиб, унда ҳокимият тизимига кириб улгурилгани, ходимларни ишга олиш тартибини ўзгартириш кераклиги таъкидланган.
“Биз сизга гуруҳимиз номидан ваъда берамиз бутун бошли тизимни ишдан чиқарамиз. АКТ соҳасига эътибор қаратишга мажбурсиз! Ҳаммаси яхши бўлади яратгандан қўрқинг ва виждонингизга қулоқ тутинг! Яна кўришгунча!”, – дейилади матнда.
Ушбу мурожаат акс этган сурат сайтнинг асосий менюсига жойлаштирилган ва айни вақтда (соат 10:00 ҳолатига кўра) ҳам сурат сайт асосий менюсидан олиб ташланмаган.
