Ватанпарварларни тарбиялаш мактабдан бошланади

8-01-2021, 11:08

Жамият

Ватанпарварларни тарбиялаш мактабдан бошланади

Мудофаа вазирлиги Тоифаланган объектларни қўриқлаш қўшинлари қўмондонлигининг Тошкент вилояти Нуробод қўрғонида жойлашган ҳарбий қисми тарғибот-ташвиқот гуруҳи “Мард, жасур ва садоқатли ватанпарварларни тарбиялаш мактабдан бошланади!” шиори остида ўқувчи ёшлар ҳузурида бўлиб, турли учрашув, давра суҳбатлари ва тадбирлар ўтказишмоқда.

Жумладан, куни кеча ҳарбийлар ҳудуддаги барча умумтаълим мактабларининг 4–11-синф ўқувчилари ўртасида ўтказилган “Ёш китобхон ўқувчи” кўрик-танловининг туман босқичи беллашувларини кузатиб, ўз чиқишларини намойиш этиш орқали ўқувчи ёшлар қалбида Ватанга муҳаббат ва садоқат туйғуларини юксалтиришга ҳисса қўшди.

Шунингдек, ҳарбий хизматчилар томонидан миллий армиямизнинг бугунги кундаги нуфузи ва қудрати ҳақида ҳам сўз юритилиб, ёшларни ҳарбий касбга йўналтириш, уларнинг онгу тафаккурига Ватан ҳимояси шарафли ва муқаддас бурч экани, миллий армиямиз билан фахрланиш туйғуларини чуқур англаш зарурлиги таъкидлаб ўтилди.

Якунда ёшларга бадиий адабиётлар совға қилинди.

Тоифаланган объектларни қўриқлаш қўшинлари қўмондонлиги матбуот хизмати

Ўхшаш янгиликлар

Фикрлар

Муносабат ёзиш

Метаморф 9 январ 2021 10:34

Ватанпарварликни бир парча когоз билан сингдириб бумайди.Шу болалар олий малумотли булгандан кегин иш кидириб юришини хозир билишмайди.Ушангача буларга ватанпарварлик хакида эртак айтмасдан хар биримиз уз иш жойимизда виждонан ватан равнаки учун мехнат килиб коррупцияни йукотсак мана бу хакикий ватанпарварлик булармиди.Бунака баландпарвоз гапларни факат дангаса ишекмаслар гапиришади.Мен ватанпарварликни асосан давлатга халол мехнат килиб оиласини халол лукма билан бокишда деб биламан.Давлат хам шунга яраша инсонни рагбатлантириб борса бундай давлат хам тинч хам бой булади манимча.

Жавоб ёзиш
2 0
Реалист 8 январ 2021 19:08

Менинг фикримча тарғибот-ташвиқот билан ватанпарварликни пайдо қилиб бўлмайди,сохта ватанпарварлар
чиқиши мумкин.Сохта ватанпарварни хақиқий ватанпарвардан фарқи нимада?
Сохталари ватанни севишини кўп таъкидлайди,пиар қилишади,лекин асл мақсади пул,бойлик,хокимят,
ватанпарварлик улар учун бир ниқоб,восита холос.Қандай ажратиб олиш мумкин сохтасини хақиқийсидан деган савол
туғилади.Жудаям осон.Уларни гапига эмас қилаётган ишига эътибор қилиш керак.Сохталари хеч қачон халқ манфаатига хизмат қилмайди.Масалан яқинда ниқобсиз гапирворган
алишер қодиров,кимни манфаатини химоя қиляпти,ёки анави 5600 сўм хақида алжираган кимга хизмат қиляпти,яна биттаси халқ гўштни кўп ейяпти деб кимга яхши кўринмоқчи бўлди,хокимлар халқни уриб-сўкиб кимга хизмат қилишяпти? Халққами? Шубҳасиз халққа эмас.
Юртдошлар,яна бир бор таъкидлайман,гапига эмас қилаётган ёки қилиб бўлган ишига эътибор беринглар,сохталар кўўп.

Жавоб ёзиш
2 0