Мавжуд маълумотларга кўра, анъанавий ўқув шакли 2021 йил 11 январдан бошланади. Вазирлик, мамлакатимиздаги барча мактабларда эпидемиологик хавфсизликни таъминлаш мақсадида керакли шароитлар яратилганини маълум қилди.
Таҳлиллар шуни кўрсатмоқдаки, икки чорак давомида масофавий таълим олиш жараёнида ўқувчиларнинг дарсларни тўлиқ ўзлаштиришларига етарли имконият бермади, айрим ҳолатларда ўқувчилар телевизион дарсларни кўриш ва ўрганиш ўрнига вақтини бесамар ўтказиш ва ота-оналар томонидан етарли назорат этилмаслиги оқибатида вояга етмаганлар ўртасида ҳуқуқбузарлик ҳолатлари ҳам кузатилди.
Шу боис, ота-оналардан фарзандларининг келажаги учун ўз вақтида билим олишларига шароит яратишлари ва мактабга юборишларини сўраб қоламиз, – дейилади вазирлик ахборотида.
Эслатиб ўтамиз, мактаблар карантин сабабли 2020 йил март ойида ёпилган эди. 2020 йил сентябрь ойида мактаблар босқичма-босқич очилишини бошлади. Ота-оналар фарзандларини ўқишга юбориш юбормаслик, ёки онлайн-таълимни давом эттириш бўйича қарорни ўзлари қабул қилиши мумкин бўлди. Таъкидлаш жоиз, аксарият болалар аллақачон мактабга чиқишди, фақатгина камсонли болаларгина онлайн-режимда таълим олаётган эди.
