Ўзбекистонда ўқувчиларга таълимни онлайн давом эттиришга рухсат берилди. Бу ҳақда халқ таълими вазирлиги хабар қилди.
Мавжуд маълумотларга кўра, уйида ёши улуғлар бор болалар, сурункали касали борлар ўқишни онлайн давом эттириши мумкин. Лекин ота-оналар болалари вазифаларни ўз вақтида бажаришлари учун барча шароитларни яратиб беришлари керак бўлади.
Таъкидлаш жоиз, 2020 йил сентябрь ойида мактаблар босқичма-босқич очилишини бошлади. Сўнгги маълумотларга кўра, 90 фоиз болалар мактабга боришмоқда, уларнинг 10 фоизигина онлайн таълимни давом эттиряпти. Аввалроқ ХТВ 11 январдан барча ўқувчилар анъанавий таълимда ўқишини маълум қилган эди. Лекин ота-оналарнинг норозилиги сабабли онлайн-таълимни қайтариш бўйича қарор қабул қилинди.
