Сирдарёда “электросеть” раҳбари Ш. Жўраев фуқарога токсиз ўтиришни маслаҳат берди. Бу ҳақда EVERYDAY.UZ мухбири хабар қилди.
Маълум бўлишича, Сайхунобод туман электр таъминоти корхонаси раҳбари Ш.Жўраев электр энергияси билан боғлиқ муаммо юзасидан мурожаат қилган фуқарога токсиз ўтиришни маслаҳат берган. Фуқаро электр энергия сими учун қўйилган “столб”лар йиқилиб қолса нима қилиши кераклиги юзасидан берган саволига раҳбар “столб йиқилса токсиз ўтириш”ни тавсия қилган. Фуқаро ва раҳбар мулоқоти акс этган видео эса тармоқларда тарқатилган.
Видео тарқалгач “Сирдарё ҲЭТК” АЖ ҳолат юзасидан муносабат билдарган. Унга кўра, Ш. Жўраевга нисбатан хизмат текшируви ўтказилиши белгиланганлаги маълум қилинган. Унинг натижаси бўйича қўшимча маълумот берилиши таъкидланди.
