Ўзбекистонда тадбиркорларга 2021 йил 1 март санасидан бошлаб йўлларга фоторадар ўрнатишларига рухсат берилади. Бу ҳақда ЙҲХББ бошлиғи ўринбосари Эрали Бозоров маълум қилди.
Масъулнинг сўзларига кўра ушбу ишлар йўл ҳаракати хавфсизлигини таъминлаш мақсадида қилинмоқда. Шундан келиб чиқиб, 2021 йил 1 мартдан бошлаб, тадбиркорлик субъектларига автомобил йўлларида йўл ҳаракати бузилганини қайд этувчи махсус автоматлаштирилган фото ва видео дастурий техник воситалар ўрнатиш ҳуқуқи берилади.
Бозоров ушбу мосламаларни ўрнатиш, молиялаштириш ва уни сертификатлаштириш ишларининг барчаси тадбиркорлик субъекти томонидан амалга оширилишини таъкидлаб ўтди.
