Ўзбекистонда хизмат кўрсатган журналист Асрор Мўмин Григориан тақвимига оид ой номлари ўзбек миллий қадриятларига ёт ва шу боис уларни ўзгартириш лозим дея таъкидлаган, "Адабиёт" газетасида чоп этган мақоласида.
«Қадриятларимизга мос тақвим яратишимиз кечиктириб бўлмайдиган ҳаётий зарурат. Қачонгача ҳар ойда қадимги римликлар тақвими, уларнинг худо ва императорларини эслаймиз?», деб ёзган у. Шундай қилиб журналист ойларни қуйидагича номлашни таклиф қилган, декабрни Авесто, январь — Ватан, февраль — Навоий, март — Улуғбек, апрель — Амир Темур, май — Хоразмий, июнь — Зулфия, июль — Бухорий, август — Ибн Сино, сентябрь — Беруний, октябрь — Фарғоний, ноябрь эса Жалолиддин.
