Мамлакатимиз пойтахти Тошкентда ўтган йили 100дан ортиқ уйлар ноқонуний қурилган. Бу ҳақда Тошкент шаҳри бош архитектори Нуриддин Соатов брфингда айтиб ўтди.
Унинг сўзаларига кўра, аксарият ҳолларда фуқаролар якка тартибдаги уй-жой қураман деб ер олиб, у ерда кўп квартирали уй-жойлар қурган. Ушбу ҳолат ўз навбатида пойтахтимизда муҳандислик коммуникациялари тизимига салбий таъсир кўрсатган, ҳатто айрим жойларда турли хил авария ҳолатлари ҳам кузатилган.
Соатов 2020 йилда 100дан ортиқ ҳолатда фуқаролар якка тартибдаги уй-жой қураман деб, “дом”лар қуриб ташлаган. Ушбу ҳолат натижасида ўша ҳудудда коммунал соҳада кўплаб муаммолар юзага келган ва бу аҳоли норозилигига сабаб бўлган.
Эслатиб ўтамиз, аввалроқ қурилишдаги камчиликлар сабаб Жиззахда 6 қаватли “дом”нинг бир қисми қулаб тушган эди.
