Тошкент вилоятида маст ҳолда машина бошқарадиган ҳайдовчилар бўйича статистик маълумот эълон қилинди. Маълумот ҳуқуқ тартибот органлари томонидан тақдим қилинди.
Мавжуд маълумотларга кўра, вилоятда ўртача кунига 20 дан 40 нафаргача ҳайдовчи маст ҳолатда машина бошқаради. Айрим кунлари инспекторлар томонидан 50 нафаргача маст ҳайдовчилар аниқланади.
Йил бошидан бери 1017 та шундай ҳолат қайд этилган. Таъкидлаш жоиз, маст ҳолатда автомобиль бошқарганлар БҲМнинг 25 баробари миқдорида жаримага тортилади, шунингдек, улар автотранпортни 2 йилдан 3 йилгача бошқаришдан маҳрум этилиши мумкин.
