Халқаро хотин-қизлар куни (8 март) ва Наврўз (21 март) байрамларини нишонлаш учун ўзбекистонликларга етти кун дам олиш берилади. Бу ҳақда «Daryo» хабар бермоқда.
8 март жума кунига тўғри келади, байрам дам олиш кунидан сўнг беш кунлик режимда ишловчи ўзбекистонликлар яна икки кун — шанба ва якшанба дам олади (9—10 март).
Наврўз бу йил пайшанба куни нишонланади. Ўзбекистон Президентининг 2018 йил 12 ноябрдаги фармони билан қўшимча дам олиш куни — 22 март, жума тасдиқланган. 23 ва 24 март кунларидаги дам олиш кунларини ҳисобга олганда, ўзбекистонликлар кетма-кет тўрт кун дам олиши мумкин.
