Хоразмлик журналист 7 суткага қамалди

30-10-2018, 17:32
Жамият
Хоразмлик журналист 7 суткага қамалди
“Хоразм ёшлари” газетаси бош муҳаррир ўринбосари Давлатназар Рўзметов 7 суткага қамалди. ОАВда тарқалган хабарга кўра унга Қўшкўпир тумани маъмурий ишлар судининг қарорига кўра Маъмурий жавобгарлик тўғрисидаги кодекснинг 183-моддаси (майда безорилик)га асосан шундай жазо тайинланган.

Воқеа гувоҳларининг маълум қилишича, Давлатназар Рўзметов 25 октябрь куни кечки пайт тўйда ўтирганда унга танишлари қўнғироқ қилишиб, Қўшкўпир тумани ҳокими мактаб директорлари, қишлоқ врачлик пунктлари раҳбарлари ва мактабгача таълим муассасалари мудирларини йиғиб пахта терими бўйича селектор йиғилиши ўтказаётганини, ҳукумат таълим ва тиббиёт ходимларини пахта йиғим-теримига жалб этишни тақиқлаганига қарамай, уларни мажбуран пахта теримига жалб этмоқчи бўлаётгани ҳақида айтишади.

“Давлатназар Рўзметов йиғилиш ўтказилаётган туман ҳокимлиги биносига кириб, мажлисда ўтирганларни қўл телефонида видеотасвирга ола бошлади, – дейди исми ошкор этилишини истамаган манба. – Буни кўрган Қўшкўпир тумани ҳокими вазифасини бажарувчи Жўрабек Раҳимов унинг кимлигини сўради. Журналист бунга жавобан: “Мажлис очиқми ёки ёпиқми? Очиқ бўлса ўтираман, ёпиқ бўлса чиқиб кетаман”, деб жавоб берди. Шундан сўнг хоким “Йиғилиш тамом” деб ҳаммага рухсат бериб юборди”. Шундан сўнг Д.Рўзметов туман ички ишлар бўлимига олиб борилиб, жамоат тартибини бузганлик, майда безориликда айбланади ва вилоят марказидаги ҳушёрхонада бир кун сақланади. Эртаси куни эрталаб эса қўйиб юборилган.

29 октябрь куни Қўшкўпир туман маъмурий ишлар суди унга нисбатан очилган ишни кўриб чиқиб, 7 суткалик маъмурий қамоқ жазоси тайинган.
Айни пайтда вилоят прокуратурасининг ҳолат юзасидан расмий ахборот тақдим этилиши кутилмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Кобилжон Косимов 30 октябр 2018 18:49
Хозирги кунда хокимларнинг милиция, прокуратура, суд органларига тасири конундан четга чиккан холда бор. Бунга сабаб милиция ва прокуратура рахбарлари туман, вилоят Кенгашлари олдида хисобот, судлар эса ахборот бераяпти. Хоким бир вактни узида Кенгаш раислигидан фойдаланиб албатта узини ноконуний тасирини утказиш имкониятига эга булаяпти. Демак, конун устиворлиги эмас, хоким устиворлиги шаклланаяпти. Канча булса тезда Кенгпшларни ижро хокимияти тугридан-тугри тасиридан чикариш керак. Ана шунда конун устиворлигига караб юрамиз, ва журналистни маъмурий суд безори деб маъмурий жазога тортмайди.
Фазлиддин. 30 октябр 2018 20:45
Туйдан чикиб спиртли ичимлик ичиб боргандирда суд хам узидан узи маъмурий жавобгарликка тортмагандир. Узи кайси бир сохага эркинлик кушимча ваколат ёки ваколатини кенгайтирилса уша соха ходимлари босар тусарини билмай колишади . Уша сохани рахбарлари ходимларига камтаринликни уктириб туриши керакмикан.

МУНОСАБАТ БИЛДИРИШ

Сўнгги янгиликлар

Ботир Парпиев янги лавозимга тайинланди

ДСҚнинг собиқ раҳбари Ботир Парпиев янги лавозимга тайинланди. У янги ташкил этилган маҳалла ва оилани қўллаб-қувватлаш...
Бугун, 17:20

ИИВ вазири ўринбосари яна бир вазирга ўринбосар бўлди

Ички ишлар вазирининг жамоат тартибини сақлаш бўйича ўринбосари Азизбек Икромов яна бир вазирга ўринбосар бўлди. Маълум...
Бугун, 17:10

Яна бир ташкилот раҳбари ходимини прописка қилиш учун илтимоснома кирита оладиган бўлди

Ўзбекистонда яна бир ташкилот раҳбари ходимини прописка қилиш учун илтимоснома кирита оладиган бўлди. 2020 йил 17...
Бугун, 16:13

Маҳмуд Муродов ва чехиялик машҳур хонанда фарзанд кутишмоқда

Ўзбекистонлик ММА жангчиси Маҳмуд Муродов ва чехиялик машҳур хонанда Моника Багарова фарзанд кутишмоқда. Хонанда...
Бугун, 16:01

Ўзбекистоннинг туманларида электр энергия нархини 30-40 фоизга арзонлаштириш таклиф қилинди

Ўзбекистонда туманларда газ йўқлиги сабабли қиш фаслида электр энергия нархини 30-40 фоизга арзонроқ қилиш таклиф...
Бугун, 15:42
/ Муҳокамалар +1