Андижон вилоятида метро қурилиши мумкин

Аввалроқ давлат раҳбари Андижон вилоятига боргани ҳақида ёзган эдик. Шавкат Мирзиёев ташриф давомида Андижон шаҳрида Янги Андижон тумани барпо этилиши ҳақида маълум қилди.

Янги туманда метро қурилиши режалаштирилмоқда. Давлат раҳбари транспорт вазирига шаҳарда тез ва қулай транспортни яратиш бўйича таклиф беришга топшириқ берди.

Янги туманда Дамаслар бўлмайди. Биз ерусти ва ерости метроси қурамиз. Иккита вариантни ҳам ўрганамиз ва маъқулини танлаймиз, – дейди Президент.